2006年12月4日星期一

舊聞兩則


小弟感到最榮幸的,是家中有一個識飲識食識玩識煮的家姐,經常帶給小弟驚喜,例如星期日她叫我去樓下買飯盒,佢話 $8 有飲品,老實說,$8 燒味飯有紙包飲品送,唔買過真係未必會相信,而事實上,小弟真係用了 $8 買了一盒叉燒飯連楊協成低糖甘蔗水(好笑,原來甘蔗汁加水就叫做低糖),味道不太差,不過我唔係太鍾意食燒味,偷食一舊叉燒後,都係留俾家姐食啦!

今日到亞洲博覽館參觀世界電信展(慘,跟大陸用「電信」),發覺 E23 的總站由亞洲博覽館搬回機場,問巴士司機,他說要在機場轉乘 S1B ,起初以為是巴士公司想多賺一筆,但由於有中國電訊公司贊助,S1B 是免費乘搭(強)。回程時乘搭 S1A 到東涌地鐵站,同樣免費,讓小弟可節省一點車資。另一方面,今天乘搭東涌線到九龍站,發覺原來東涌線部分列車已使用「 K-Stock 」(花名K車,是韓國 ROTEM 製造的列車),估唔到K車高速行駛亦同樣穩定。

1 則留言:

gensan 說...

鏞記也好,大家樂也好,廿幾蚊一碟叉燒飯,我覺得是偏貴的,但買個小虛榮,或某程度的衛生信心,那還可接受。至於一般普通燒味店的叉燒飯只需十幾蚊,算是合理價。如果八蚊一盒叉燒飯仲有飲品送,我會懷疑那會不會是來自大陸的 A 貨蘇丹紅叉燒。